Tag Archive: ಕನ್ನಡ


ಪ್ರಿಯ ಮಿತ್ರರೇ,

First things first…

ಶೀರ್ಷಿಕೆ ನೋಡಿ ಕನ್ನಡ ಚಿತ್ರಗೀತೆಗಳ ಬಗ್ಗೆ ಏನಾದರು ಒಳ್ಳೆಯದ್ದನ್ನು ನಿರೀಕ್ಷಿಸುತ್ತ ಇದ್ದೀರಾದರೆ…. ನನ್ನದೊಂದು ಮಾತು…

ನಿಮ್ಮ ನಿರೀಕ್ಷೆ ಹುಸಿಯಾಗಲಿದೆ!!

ಈ ಬ್ಲಾಗಿನಲ್ಲಿ ಕನ್ನಡ ಚಿತ್ರಗೀತೆಗಳ ಬಗ್ಗೆ ಎಳ್ಳಷ್ಟೂ ಒಳ್ಳೆಯದನ್ನು ಬರೆಯಲಾಗಿಲ್ಲ…
ಘಾಸಿಯಾದ ಭಾವನೆಗಳಿಗಾಗಿ (ಚಂದನ ವಾಹಿನಿಯ ನಿರೂಪಕರ ರೀತಿಯಲ್ಲಿ…) ವಿಷಾದಿಸುತ್ತೇನೆ!!

ಭಾಗ ಒಂದನ್ನು ಪೋಸ್ಟ್ ಮಾಡಿ ಸುಮಾರು ಹದಿನೈದು ತಿಂಗಳುಗಳಾಗಿವೆ  … ಈ ಹದಿನೈದು ತಿಂಗಳುಗಳಲ್ಲಿ ನಾನು ಹಲವಾರು ಸ್ನೇಹಿತರಿಗೆ ಆ ಪೋಸ್ಟನ್ನು ತೋರಿಸಿದೆ…
ಹತ್ತರಲ್ಲಿ ಒಂಭತ್ತು ಜನರಿಗೆ ಅರ್ಥವಾಗಲಿಲ್ಲ!! (ಆ ಒಂಭತ್ತರಲ್ಲಿ ಆರು ಜನರಿಗೆ “ವಿವರಿಸಿದರೂ” ಅರ್ಥವಾಗಲಿಲ್ಲ!!)

ಈ ಅಭೂತಪೂರ್ವ ಪ್ರತಿಕ್ರಿಯೆಯಿಂದ ಪ್ರಭಾವಿತನಾಗಿ ಭಾಗ ಎರಡನ್ನು ಸೃಷ್ಟಿಸಿದ್ದೇನೆ…
ನಿಮಗೆ ಎಲ್ಲವೂ ಅರ್ಥ ಆಗಿಲ್ಲ ಅಂತ ನನಗೆ ಗೊತ್ತು…. ಅರ್ಥವಾಗದ್ದನ್ನು ಕಾಮೆಂಟಿನಲ್ಲಿ ಕೇಳಿ…. ನನಗೂ ಬೇರೆ ಕೆಲಸ ಇಲ್ಲ…

ವಿವರಿಸುತ್ತೇನೆ!

 

(ವಿ. ಸೂ : ಈ ಬ್ಲಾಗಿನ ಶೀರ್ಷಿಕೆ ನೋಡಿ ನೀವು ಇದನ್ನು ಓದೋ ಮನಸ್ಸು ಮಾಡಿದೀರಿ ಅಂತಾದ್ರೆ….ನಿಮಗೆ ಖಂಡಿತಾ ನಿರಾಶೆ ಕಾದಿದೆ!!
ಕ್ಷಮಿಸಿ, ಮಾರುಕಟ್ಟೆಯಲ್ಲಿ ಭಯಂಕರ ಸ್ಪರ್ಧೆ, ಓದುಗರನ್ನ ಸೆಳೆಯಲಿಕ್ಕೆ ಎನಾದ್ರೂ ಗಿಲ್ಮಿಟ್ ಮಾಡಬೇಕಲ್ವಾ? ಹಾಗಾಗಿ ಶೀರ್ಷಿಕೆಯನ್ನು ಹಾಗೆ over-exaggerate ಮಾಡಬೇಕಾಯ್ತು!!)

ವಿಷಯಕ್ಕೆ ಬರ್ತಾ ಇದೀನಿ…

ಕನ್ನಡ ಚಿತ್ರಗೀತೆಗಳಲ್ಲಿರುವ ಅನರ್ಥಗರ್ಭಿತ ಹಾಡುಗಳ ಜೊತೆಗೇ ಅರ್ಥಗರ್ಭಿತ ಹಾಡುಗಳೂ ಇವೆ! (uncle promise! ನಂಗೂ first time ಕೇಳ್ದಾಗ ಹಿಂಗೇ, ನಿಮ್ ಥರಾನೇ shock ಆಗಿತ್ತು you see!!)
ಅವುಗಳಲ್ಲಿ ಕೆಲ ಅನರ್ಘ್ಯ ರತ್ನಗಳನ್ನ ಚಿತ್ರಗಳ ಮೂಲಕ ಅರ್ಥೈಸಲು ಪ್ರಯತ್ನಿಸಿದ್ದೇನೆ… ನೀವೇ ನೋಡ್ಕಳಿ!

ಒಹ್!

ವಾವ್!

ಫಂಟಾಶ್ಟಿಕ್!!

ಅಂತ ಬಾಯ್ ಬಾಯ್ ಬಿಟ್ಕೋಳೋಕಿಂತ ಮುಂಚೆ ಒಂದ್ ಚಿಕ್ಕ flashback ಓದ್ಕೊಂಡ್ ಬಿಡಿ…

ಸ್ವಲ್ಪ ದಿವಸಗಳ ಮುಂಚೆ ನಾನು ಕ್ರಿಶ್ ಅಶೋಕ್ ಅವರ ಈ ಬ್ಲಾಗನ್ನ ಓಡಿ ಬಿದ್ದು ಬಿದ್ದು ನಕ್ಕೆ!! (true story!!)

ಸರಿ, ನಮ್ ಕನ್ನಡದ ಎಷ್ಟೋ ಹಾಡುಗಳು ಅರ್ಥಗರ್ಭಿತವಾಗಿಯೂ, ಅನರ್ಥಗರ್ಭಿತವಾಗಿಯೂ ಇರುವಂತಹ ಈ ಸಂದರ್ಭದಲ್ಲಿ, ನನ್ನ ತಲೆಗೆ ತೋಚಿದ ಕೆಲ ಹಾಡುಗಳ ವ್ಯಾಖ್ಯಾನ ಮಾಡದೆ ಹೋದರೆ ನಾನು ತಿಂದಿದ್ದು ಜೀರ್ಣ ಆಗೋದಾದ್ರೂ ಹೇಗೆ?!
ನೀವೇ ಯೋಳಿ!!

“ಇವ್ನು ಈ ಕೆಲ್ಸಾನ ತುಂಬಾ ಮುಂಚೆನೇ ಮಾಡ್ಬೇಕಿತ್ತು…”
ಹಾಗಂತ ಕನಿಷ್ಠ ಮೂರ್ ಜನಾನಾದ್ರೂ ಅಂದ್ಕೊಳ್ತಾ ಇರ್ತಾರೆ..!
“ಹೌದಲ್ವಾ…? ನಾನ್ ಯಾಕ್ ಇಷ್ಟ್ ತಡವಾಗಿ blog ಬರೆಯೋಕೆ ಶುರು ಮಾಡ್ದೆ?” ಅಂತ ನನ್ನನ್ನ ನಾನು ಸಾವ್ರ ಸಾರಿ ಕೇಳ್ಕೊಂಡ್ರೂ  ಒಂದು ಒಳ್ಳೇ, convincing ಅನ್ಸೋ ಉತ್ರ ಸಿಗ್ತಾ ಇಲ್ಲ! (“ನೀನು ಶುದ್ಧ ಸೋಮಾರಿ…… ಅದ್ಕೇ!!” ಅಂತ ಅಂತರಾತ್ಮ ಬಡಕೊಳ್ತಾ ಇದೆ… convince ಆಗೋದು ನಂಗೆ ಬಿಟ್ಟಿದ್ದು ಅಲ್ವಾ?! ಹಾಗಾಗಿ ನನ್ನದು ಅದರೆಡೆಗೆ “ದಿವ್ಯ ನಿರ್ಲಕ್ಷ” ಹಾಗೂ “ಜಾಣ ಕಿವುಡು”!!)
ಇಂತಿರ್ಪ ಈ ಸಂದರ್ಭದೋಳ್ ನಾನು “ಯೋಚನೆ ಮಾಡು”ವಂತಹ ಅನಾರೋಗ್ಯಕರ ಅಭ್ಯಾಸಗಳನ್ನು ಬದಿಗೊತ್ತ್ತಿ… ನಮ್ಮ ಆಂಗ್ಲ ಬಾಂಧವರು ನಮ್ಮಂತಹ ಸೋಮಾರಿಗಳಿಗಾಗಿ “ಚೈತನ್ಯದ ಬುಗ್ಗೆ”ಗಳಿಗಾಗಿ ರಚಿಸಿರುವ ವಾಕ್ಯವನ್ನು ಇಲ್ಲಿ ಉಲ್ಲೇಖಿಸಿ ನನ್ನ ಪ್ರಥಮ blog ಅನ್ನು ಮುಗಿಸುತ್ತೇನೆ…

“better late than never!!”